Frá og með fimmtudeginum 17. maí verður Landnámssetrið opið til kl. 21 öll kvöld. 

Nú er vor í lofti í Borgarnesi og Landnámssetrið opið alla daga nú sem endranær. Við bjóðum barnafjölskyldur sérstaklega velkomnar og veitum þeim góðan afslátt af aðgangseyri á sýningarnar um landnámið og Egilssögu. Fullorðnir í fylgd barna greiða barnaverð og aðeins er greitt fyrir eitt barn þe ef börnin eru ekki fleiri en 5. Svo fá allir möppuna með sögunum um Sögu og Jökul að gjöf.  

Vegna forfalla eru nokkur sæti laus á sagnaskemmtanir þeirra Silju Aðalsteinsdóttur og Böðvars Guðmundssonar, þar sem Silja segir sögu kvennanna í lífi Guðmundar Böðvarssonar skálds og sonur hans Böðvar segir sögur úr síðunni. Þau Silja og Böðvar frumfluttu efnið í janúar við afar góðar viðtökur og því var ákveðið með vorinu að endurtaka leikinn tvisvar. Sagnastund Silju hefst kl. 17 báða dagana en Böðvar hefur sinn þátt kl. 20. Miðasalan er í síma 4371600 en einnig er hægt að panta miða með tölvupósti á landnam@landnam.is. Miðaverð á báðar sögurstundirnar er kr. 3000 en kr. 2000 ef aðeins ein er valin.